28 апреля 2017 г.
Май уйăхĕн пуçламăшĕнче уявсемпе çыхăннă вăрăм канмалли кунсем пулнине хăнăхнă ĕнтĕ эпир. Çавăнпа та аса илтеретпĕр, кăçал та Çуркуннепе Ĕç тата Çĕнтерỹ уявĕсенче темиçешер кун канăпăр - уявсенче савăнма та, пахчара ĕçлеме те, урамсене тасатма та вăхăт пулĕ. Майăн 1-мĕшĕ, Çуркуннепе Ĕç уявĕ, тата майăн 9-мĕшĕ, Çĕнтерỹ кунĕ, официаллă кану кунĕсем шутланаççĕ. Унсăр пуçне РФ Правительствин постановленийĕпе январĕн 7-мĕшĕнчи шăматкунри канмалли куна майăн 8-мĕшĕ çине куçарнă. Çапла вара çитес вăхăтрах эпир виçĕ кун канăпăр - апрелĕн 29-30-мĕшĕсенче тата майăн 1-мĕшĕнче. Ытларикун, майăн 2-мĕшĕнче, ĕçе тухатпăр та тăватă кун ĕçлетпĕр. Майăн 6, 7, 8, 9-мĕшĕсенче канăпăр. Майăн 10-мĕшĕнче, юнкун, ĕçе тухатпăр - пире каллех кĕске ĕç эрни кĕтет. Палăртмалла, кун пек канмалли кунсем эрнере пилĕк кун ĕçлекенсене çеç пырса тивеççĕ.
Источник: "Пирěн пурнăç"