05 мая 2017 г.
Çĕнтерỹ кунне халалласа "Ростелеком" компани çулсерен Аслă Отечественнăй вăрçă ветеранĕсене тата инваличĕсене Раççейĕн ытти хулисенче тата çывăхри чикĕ леш енче (Украинăра, Молдовăра, Казахстанра, Узбекистанра, Таджикистанра, Туркменистанра, Азербайджанра, Арменире, Грузире, Абхазире, Латвире, Литвара, Эстонире, Кăнтăр Осетире...) пурăнакан çарти юлташĕсемпе, тăванĕсемпе тỹлевсĕрех калаçма май туса парать. Кăçал та вăл ветерансене 100 тỹлевсĕр минут парнеленĕ. Шăнкăравсене стационарлă тата мобильлĕ телефонсем çине яма пулать. Унсăр пуçне апрелĕн 25-мĕшĕнчен пуçласа майăн 10-мĕшĕччен ветерансем Раççейĕпе тата çỹлерех кăтартнă çĕршывсене тỹлевсĕрех телеграмма яма пултараççĕ. Çавăн пекех майăн 3-12-мĕшĕсенче Аслă Отечественнăй вăрçă участникĕсене тата инваличĕсене обществăлла транспортра (хулаçум пуйăсĕпе, хулаçум тата хуласем хушшинчи автобуссемпе, маршруткăсемпе) тỹлевсĕрех илсе çỹрĕç. Багажшăн та укçа ыйтмĕç. Анчах та транспорт хатĕрĕсен переченьне троллейбуссемпе çăмăл таксисем кĕмеççĕ. Тỹлевсĕр çỹремелли билета турттаракансен кассинче параççĕ. Çумра çак документсем пулмалла: вăрçă участникĕн удостоверенийĕ, паспорт.
АЛЕКСЕЕВА.
Источник: "Пирěн пурнăç"