Акцие хутшăнса "Пирĕн пурнăç" хаçата çырăнма васкăр!

Пирĕн пурнăç" хаçат редакцийĕ вулакана çăмăллăх кÿрес тесе вуннăмĕш хут ĕнтĕ 10 кунлăх акци ирттерет.

Кам та кам апрелĕн 10-мĕшĕнчен пуçласа апрелĕн 20-мĕшĕччен "Пирĕн пурнăç" хаçата 2014 çулхи иккĕмĕш çур çулта илсе тăмашкăн çырăнать: вăл çав тапхăрти ултă уйăх хушшинче пĕр хутчен хаçат страницинче тÿлевсĕрех (250 тенкĕлĕх) салам, пĕлтерÿ, тав сăмахĕ тата хурланнине пичетлеме пултарать. Вĕсен хакĕсем пĕчĕк маррине  шута илсен: район хаçатне çырăннин усси пуррине хăвăрах шутласа пăхăр.  Хаçатлă та пулатăр: çывăх çыннăрсем пирки тÿлевсĕр пĕлтерме те пултаратăр.

Тÿлевсĕр пичетлес тесен редакцине маларах çырăнтару квитанцине илсе килмелле. Асăрхаттаратпăр, квитанци çинче штемпель палли пулмалла.

 "Пирĕн пурнăç" хаçата çырăнăр, вулăр, пирĕн парнене йышăнсамăр.