09:45 16 октября 2013 г.
Çакăн пек шутлать пултарулăх ĕçĕсен "Эпĕ кунта пултăм" конкурсне хутшăннă район хаçачĕн ĕçченĕ Альбина Замуткина.
Аса илтеретпĕр, июлĕн 22-мĕшĕнчен пуçланнă конкурс пĕр вăхăтрах Атăлçи тăрăхĕнчи 12 регионта иртнĕ. Ăна "Ростелеком" компани йĕркеленĕ. Конкурс условийĕсем тăрăх унта хутшăнакансен регионти туризмпа кану валли илĕртÿллĕ, сахал пĕлекен объектсене тĕпчемелле пулнă. Нумаях пулмасть конкурс ĕçне пĕтĕмлетнĕ. Жюри кашни регионтан пĕр çĕнтерÿçĕне палăртнă.
Чăваш Енре чи нумай балл пухса Канаш районĕнчи Светлана Кузнецован "Нимĕçсем тунă кĕпер..." ĕçĕ çĕнтернĕ, вăл Диплома тата планшетлă компьютера тивĕçнĕ. Унсăр пуçне регионти жюри тата тепĕр пилĕк ĕçе те лайăх хак панă. Вĕсен йышĕнче Альбина Замуткинан ĕçĕ те пур. Вăл та ыттисем пекех Диплома тата хаклă парнене тивĕçнĕ. Чыслав вăхăтĕнче конкурсантсем пултарулăх ĕçĕсен презентацийĕпе паллаштарнă.
С.МИХАЙЛОВА.
Автономное учреждение Чувашской Республики «Редакция Красночетайской районной газеты «Пирĕн пурнăç» («Наша жизнь») Министерства информационной политики и массовых коммуникаций Чувашской Республики