Новости » Саламлатпăр

09:18 30 октября 2013 г.

Ял хуçалăх ĕçченĕсен кунне паллă тунă уявра пирĕн хисеплĕ ĕçтешĕмĕрсем те – район хаçачĕн редакцийĕнче тирпейлÿçĕре тимлекен Галина Васильевна Исправникова тата операторта вăй хуракан Светлана Ильинична Петрова – хисеп хучĕсене тивĕçни савăнтарать.

Редакцинче нумай çул хушши тÿрĕ кăмăлпа ĕçленĕшĕн тата çуралнăранпа 55 çул çитнĕ ятпа Г.В.Исправникова район пуçлăхĕн А.Ю.Степановăн Тав çырăвне тивĕçлĕ пулчĕ. Сăмах май, вăл кунта 1994 çултанпа тăрăшать. С.И. Петрова та нумаях пулмасть 45 çулхи юбилейне паллă турĕ, вăл та редакцинче 2002 çултанпа вăй хурать. Светлана Ильиничнана вара район администрацийĕн пуçлăхĕн А.В. Башкировăн Хисеп грамотипе чысларĕç.

Ĕçтешĕмĕрсене хисепе тивĕçнĕ ятпа ăшшăн саламлатпăр, малашне те ĕçре çитĕнÿсем тума ырлăх-сывлăх та телей сунатпăр.

Редакци коллективĕ.

Автономное учреждение Чувашской Республики «Редакция Красночетайской районной газеты «Пирĕн пурнăç» («Наша жизнь») Министерства информационной политики и массовых коммуникаций Чувашской Республики