08:33 11 декабря 2013 г.
Ыран пирĕн çĕр-шывра Конституци кунне паллă тăваççĕ. Çак ятпа Раççейре, çав шутра республикăра та, районта та, тĕрлĕ мероприяти иртĕ. Вулакансене вĕсенчен пĕлтерĕшлĕреххисемпе паллаштаратпăр.
Владимир Путин Федераллă Пухăва Çырупа тухĕ
Ыран 12 сехетре Раççей Президенчĕ Владимир Путин Федераллă Пухăва Çырупа тухĕ, çакна телевиденипе те курма пулĕ. Палăртмалла, Путиншăн ку Çыру Президент тивĕçĕсене пурнăçлама тытăннăранпа – вуннăмĕш.
Президент Çырăвне итлеме Кремльти Георгий залне Федераци Канашĕн членĕсем, Патшалăх Думин депутачĕсем, правительство членĕсем, Аслă судсен ертÿçисем, губернаторсем, массăллă информаци хатĕрĕсен ертÿçисем пухăнĕç.
Граждансене йышăнĕç
Раççей Президенчĕн Указне пурнăçласа декабрĕн 12-мĕшĕнче çĕр-шывĕпех граждансене харпăр хăй ыйтăвĕсемпе йышăнĕç.
Районта пурăнакансем хăйсене пăшăрхантаракан ыйтусемпе райадминистрацине 12 сехетрен пуçласа 20 сехетчен пыма пултараççĕ.
Çавăн пекех ыран район прокуратури те граждансене çак адреспа йышăнать: Хĕрлĕ Чутай сали, Çĕнтерÿ лапамĕ, 1-мĕш çурт.
Хамăр инф.
Автономное учреждение Чувашской Республики «Редакция Красночетайской районной газеты «Пирĕн пурнăç» («Наша жизнь») Министерства информационной политики и массовых коммуникаций Чувашской Республики