09:58 16 декабря 2013 г.
Декабрĕн 12-мĕшĕнче Мускавра Раççей Президенчĕ Владимир Путин çуллен РФ Федераллă Пухăвне яракан Çырăва вуласа панă. Церемони Кремльти Георгий залĕнче иртнĕ, унта Федераци Канашĕн членĕсем, Патшалăх Думин депутачĕсем, Правительство членĕсем, Конституци, Аслă тата Аслă Арбитраж сучĕсен ертÿçисем, кĕпĕрнаттăрсен корпусĕ, йăлана кĕнĕ конфессисен пуçлăхĕсем, общество ĕçченĕсем, массăллă информаци хатĕрĕсен ертÿçисем пухăннă. Палăртмалла, асăннă церемоние Чăваш Республикин Пуçлăхĕ Михаил Игнатьев та хутшăннă.
Çырура Владимир Путин çĕр-шывăн малашлăхри аталанăвне мĕнлерех курнин тĕп ыйтăвĕсене асăннă, вырăнти хăй тытăмлăх граждансене çывăх пулмаллине палăртнă, халăхсем хушшинчи хутшăнусем, ĕç мигранчĕсен патенчĕсем çинче чарăннă. Çавăн пекех экономика аталанăвĕ, Конституци, "май уйăхĕнчи указсем", офшорсем, тулаш политика, аслă вĕренÿ заведенийĕсенчи çар хатĕрленĕвĕ пирки сăмах пынă. Сăмах май, Президент çитес çултан шкултан вĕренсе тухакансене пĕрлехи патшалăх экзаменĕпе пĕрлех пĕтĕмлетÿ сочиненине çыртарасси пирки те каланă.
Палăртмалла, райадминистрацинче, ял тăрăхĕсенче тата организацисемпе учрежденисенче Владимир Путин Федераллă Пухăва яракан Çырăва вуласа панине он-лайн мелĕпе пăхнă.
Хамăр инф.
Автономное учреждение Чувашской Республики «Редакция Красночетайской районной газеты «Пирĕн пурнăç» («Наша жизнь») Министерства информационной политики и массовых коммуникаций Чувашской Республики