09:25 16 апреля 2014 г.
Кĕçнерни кун, апрелĕн 17-мĕшĕнче, Мускав вăхăчĕпе 12 сехетре Пĕрремĕш каналпа, "Россия 1", "Россия 24" каналсемпе, "Маяк", "Вести FM" тата "Радио России" радиостанцисемпе тỹрĕ эфирта çулсерен иртекен "Владимир Путинпа - тỹрĕ лини" ятарлă программа пулать. Раççей Президентне ыйту парас текенсем 8-800-200-40-40 тỹлевсĕр номерпе шăнкăравлама, 0-40-40 номерпе СМС-çыру яма пултараççĕ. Çавăн пекех кăçал видео-ыйту та пама пулать. Тĕплĕнрех кун пирки http:ỸỸwww.moskva-putinu.ru сайтра пĕлме май пур. Министрсен ĕçне мĕнле хаклаççĕ Халăх шухăшне тĕпчекен Пĕтĕм Раççейри центр (ВЦИОМ) çак кунсенче Раççей Правительствин министрсен ĕçĕсен пахалăхне хаклакан рейтингпа паллаштарнă. Ăна тишкернĕ май çапларах пĕтĕмлетỹ тунă: Раççейре пурăнакансем юлашки уйăхсенче РФ Правительствин пĕтĕм членĕн ĕçне пысăка хурса хаклама пуçланă. Нумайăшĕн рейтингĕ çулталăк çурăра самаях ỹснĕ. Министрсен ят-сумĕ хăвăрт ỹссе пынă май аутсайдерсен позицийĕсем те чакнă. Çапах малтан лайăххи пирки. Халăх ырлакан министрсенчен пĕри - Сергей Шойгу. Унăн рейтингĕ виçĕ уйăхра 4,06-ран 4,42 бала çитнĕ. Иккĕмĕш вырăнта - Сергей Лавров: Раççейре пурăнакансем унăн ĕçне "тăваттăран" пысăкрах хак панă - 4,24 балл. Виççĕмĕш йĕркере - Владимир Пучков (3,76 балл). Рейтингăн малтанхи вунă вырăнĕнче - Виталий Мутко (3,67), Дмитрий Козак (3,61), Дмитрий Рогозин (3,55), Николай Никифоров (3,54), Владимир Колокольцев (3,46), Игорь Шувалов (3,45), Александр Хлопонин (3,44). Список варринче - Александр Коновалов (3,32), Владимир Мединский, Александр Новак (3,26-шар), Александр Галушка, Максим Соколов (3,24-шар), Сергей Приходько (3,23), Юрий Трутнев (3,22), Аркадий Дворкович (3,2), Михаил Абызов (3,15), Ольга Голодец (3,13), Антон Силуанов (3,1), Сергей Донской (3,09), Игорь Слюняев, Денис Мантуров (3,7-шер). Рейтингăн юлашки йĕркисем пирки калас-тăк - çỹлти позицисем савăнтарнипе танлаштарсан вĕсем тата ытларах пăшăрхантараççĕ. Пĕчĕк рейтинглă министрсен йышĕнче - Чăваш Ен Президенчĕ пулнă Николай Федоров, паянхи кун Раççей Ял хуçалăх министерствине ертсе пырать. Вăл 2,89 кăтартупа аялтан виççĕмĕш вырăнта. Раççей гражданĕсем Ял хуçалăх министерствин ертỹçин ĕçĕ пирки пĕлни-пĕлменнине çирĕплетекен цифрăсем те ырă шанăç кỹмеççĕ. Респондентсен 63 проценчĕ: "Унăн ĕçĕ çинчен нимĕн те илтмен", - тенĕ.
ЧР Информаци политикин министерстви.
Автономное учреждение Чувашской Республики «Редакция Красночетайской районной газеты «Пирĕн пурнăç» («Наша жизнь») Министерства информационной политики и массовых коммуникаций Чувашской Республики