Новости » Çитес çул - Канаш районĕнче

08:32 04 июня 2014 г.

Чăваш халăхĕн тĕп уявĕ - Республика кунĕ - çывăхрах та çывăхрах. Кăçал çак пысăк мероприяти Шупашкарта тата Комсомольски районĕнче иртĕ. Сумлă уявăн культура программи питĕ пуян: куравсем, фестивальсем, концертсем... Республика кунне çитес çул ăçта уявласси те паллă ĕнтĕ. Республика Пуçлăхĕн Михаил Игнатьевăн 2014 çулхи майăн 30-мĕшĕнчи 75-мĕш номерлĕ Указĕпе 2015 çулта Республика кунĕн тĕп уяв мероприятийĕсене Шупашкарта тата Канаш районĕнче ирттерме палăртнă. Çапла майпа ятарлă конкурсра çĕнтернĕ Канаш районĕ уява йĕркелесе ирттерме тата обществăлла инфратытăма аталантарма республика Пуçлăхĕн грантне тивĕçет. Хальхи вăхăтра республикăра йăлана кĕнĕ "Акатуйсем" иртеççĕ. Аса илтеретпĕр, районта вăл июнĕн 12-мĕшĕнче "Чавал" уçланкăра иртĕ.

А.СЕМЕНОВА.

Автономное учреждение Чувашской Республики «Редакция Красночетайской районной газеты «Пирĕн пурнăç» («Наша жизнь») Министерства информационной политики и массовых коммуникаций Чувашской Республики