Новости » Пĕтĕм чăваш кинофестивальне ирттересшĕн

08:39 23 июля 2014 г.

Июлĕн 15-мĕшĕнче Чăваш Республикин киноматографистсен пĕрлĕхĕн Правленийĕ черетлĕ пухăва пухăннă. Унта кино ỹкерекенсен пĕрлĕхне кĕрекенсен миçе тенкĕ тỹлесе кĕмеллине, пĕрлĕх пайташĕсем çулсерен миçе тенкĕ пухмаллине тата ытти ыйтусене сỹтсе явнă. Сăмах май, тỹлев виçине тĕрлĕрен сĕнекенсем пулнă _ сỹтсе явнă хыççăн пĕрлĕхе кĕме 3000 тенкĕ тỹлемелле тунă, çулсерен _ пĕр пиншер тенкĕ. Тепĕр ыйтура çитес çул Пĕрремĕш Пĕтĕм чăваш кинофестивальне йĕркелессине тишкернĕ. Правлени пайташĕсем ăна 2015 çулхи март уйăхĕнче ирттерме çирĕплетнĕ. Кăçалхи сентябрь уйăхĕччен фестивалĕн йĕрки-шывне хатĕрлеме Вячеслав Оринова сĕннĕ. Вăл хăй те хăйĕн шухăшĕсене пытарса тăман, кинофестивале ирттерме укçа-тенкĕ енчен пулăшу илме Культура министерствине çырупа тухма сĕннĕ. Вячеслав Оринов тепĕр сĕнỹ те панă _ ЧР Пуçлăхĕ патне çырупа тухса чăваш кинематографине аталантарас енĕпе ятарлă грант йĕркелесси çинчен. Пухăннисем çакна ырланă. Пухура çавăн пекех кино ỹкерекенсен шкулне тата пĕрлĕхĕн сайтне йĕркелеме калаçса татăлнă. А.ПЛОТНИКОВ.

Автономное учреждение Чувашской Республики «Редакция Красночетайской районной газеты «Пирĕн пурнăç» («Наша жизнь») Министерства информационной политики и массовых коммуникаций Чувашской Республики