Новости » "112" тытăма хута ярасшăн

09:45 30 июля 2014 г.

Çулталăк вĕçлениччен Чăваш Енри муниципалитетсене "112" тытăма ĕçлеттерсе яма пĕрлехи дежурнăйпа диспетчер службисене кирлĕ хатĕрсемпе тивĕçтерме сĕннĕ. Çакăн пирки Раççейĕн Инкеклĕ ĕçсен министерствин Чăваш Республикинчи Тĕп управленийĕнчен пĕлтернĕ. Асăннă тытăма республикăра 2017 çулччен туллин ĕçлеттерсе яма тивĕç. Паянхи кун, "112" номерпе шăнкăравласан, абонент вырăнти пĕрлехи дежурнăйпа диспетчер службине лекет. Йыхравсене çирĕплетнĕ тата сотовăй çыхăну операторĕсем йышăнаççĕ. Малашне пур шăнкăрава та Йыхравсене пăхса тухакан центр йышăнĕ. Унăн строительствине Чăваш Енре 2015 çулти 4-мĕш кварталта вĕçлĕç. Центр ЧР Гражданла оборона, шайсăр лару-тăру тата çут çанталăк инкекĕсен шырлăхне пĕтерес енĕпе ĕçлекен патшалăх комитечĕн территорийĕнче вырнаçĕ. Аса илтеретпĕр, "112" номерпе чрезвычайлă лару-тăру тухсан шăнкăравламалла. Унсăр пуçне специалистсем пулăшу ыйтакана пурнăçа тивĕçтермелли службăсемпе çыхăнтарма пултарĕç. Асăннă номерпе сотовăй телефон счечĕ çинче укçа пулмасан та, SIM-карттă ĕçлемесен те е вăл çук чухне те шăнкăравлама пулать.

ЧР Информаци политикин министерстви.

Автономное учреждение Чувашской Республики «Редакция Красночетайской районной газеты «Пирĕн пурнăç» («Наша жизнь») Министерства информационной политики и массовых коммуникаций Чувашской Республики