Новости » Çамрăк çемьесене - çурт туянма социаллă тỹлев

10:35 06 августа 2014 г.

Çĕнĕ ĕç эрни район администрацийĕнче савăнăçлă пулăмпа пуçланнă: учрежденисемпе организацисен ертỹçисен планеркинче район администрацийĕн пуçлăхĕ Александр Башкиров çамрăк çемьесене çурт туянма е çĕклеме патшалăхăн социаллă тỹлевĕн свидетельствине парса чысланă. "2011-2015 çулсем валли "Çурт-йĕр" федераллă тĕллевлĕ программăн "Çамрăк çемьесене çурт-йĕрпе тивĕçтересси" çум программăпа килĕшỹллĕн свидетельствăна Плисовсен, Чурбановсен тата Шехрейкинсен çемйисем тивĕçнĕ. Виçĕ çемьене панă социаллă тỹлев виçи 1 миллион та 785 пин тенкĕпе танлашать. _ Патшалăх пулăшăвĕ сирĕн çемйĕре татах та çирĕплетессе, пĕр-пĕрне юратса, хисеплесе, хăтлă çурт çавăрса пурăнма пулăшасса, çав çуртсенче эсир çĕр-шыва усăллă ачасем çуратса ỹстерессе шанатăп, - тенĕ Александр Викторович. А.ЗАМУТКИНА.

Автономное учреждение Чувашской Республики «Редакция Красночетайской районной газеты «Пирĕн пурнăç» («Наша жизнь») Министерства информационной политики и массовых коммуникаций Чувашской Республики