Новости » "Ача-пăча спорчĕ" проектпа килĕшỹллĕн

11:40 18 августа 2014 г.

Районти шкулсем çĕнĕ вĕренỹ çулне хатĕрленеççĕ. Ятарлă комисси августăн 5-7-мĕшĕсенче шкулсенче пулса лару-тăрăва хакланă ĕнтĕ, шкулсем сентябрĕн 1-мĕшĕнче ачасене йышăнма хатĕррине палăртнă. Кăçал сентябрь уйăхĕ тĕлне республикăри 26 шкул валли çĕнĕ оборудовани туянма, спорт пỹлĕмĕсене юсама йышăннă. Çак тĕллевпе федераци хыснинчен 21 миллион, республика хыснинчен 1,1 миллион тенкĕ уйăрнă. Проекта пирĕн районти Мăн Этмен тата Атнарти пĕтĕмĕшле пĕлỹ паракан вăтам шкулсем те кĕнĕ. Вĕсем "Единая Россия" политика партийĕ ирттерекен "Ача-пăча спорчĕ" проектпа килĕшỹллĕн спортзалсене тĕпрен юсама 820 пин тенкĕне тата спорт хатĕрĕсем туянма 18 пин ытла тенкĕне тивĕçнĕ. Асăннă шкулсенче халĕ юсав ĕçĕсем пыраççĕ, спортзалсен чỹречисене, урайĕсене улăштараççĕ. Юсав ĕçĕсене çак уйăх пĕтиччен вĕçлеме палăртаççĕ. А.ЗАМУТКИНА.

Автономное учреждение Чувашской Республики «Редакция Красночетайской районной газеты «Пирĕн пурнăç» («Наша жизнь») Министерства информационной политики и массовых коммуникаций Чувашской Республики