11:01 06 февраля 2015 г.
Хисеплĕ вулакансем!
Сире 2014 çулта, Культура çулталăкĕнче, иртнĕ "Пултарулăх тĕнчи" фотоконкурс пĕтĕмлетĕвĕсемпе паллаштарас терĕмĕр. Палăртмалла, çулталăк хушшинче конкурса 60 яхăн сăн ỹкерчĕк килчĕ. Вĕсенчен 40 ытла сăн ỹкерчĕк хаçтра кун çути курчĕç. Конкурса хутшăнма кăмăл тăвакансем уйрăмах çулталăк вĕçĕнче нумайланчĕç. Хăшĕсене пичетлеме вăхăт çитеймерĕ, уншăн каçару ыйтатпăр. Активлăхпа палăрнисене ятран асăнса тав сăмахĕ калатпăр. Вĕсем: Яманкассинчи Л.Ф.Алексеев, Ачкассинчи Г.В.Яндайкин, Иккĕмĕш Хурашашри П.А. Ярандайкин, Хĕрлĕ Чутайри А.И.Куличева, Н.Архипова, Р.Кашкирова, Н.Г. Гусельщикова, Серенкассинчи А.А.Вазинкин, Н.М.Ямброськин тата ыттисем.
Сăн ỹкерчĕксене пахалăхĕпе содержани тĕлĕшĕнчен хакланă хыççăн тата сасăлав пĕтĕмлетĕвĕсене шута илсе çак кунсенче çĕнтерỹçĕсене палăртрăмăр. Хаçат вулакансене ытларах Мăн Этмен ял тăрăхĕнчи В.Г.Храмовăн, Туктамăшри Л.Ф.Секайкинăн, Пантьăкри А.В.Ястребован сăн ỹкерчĕкĕсем килĕшнĕ иккен. Эпир те, редакци коллективĕ вулакансемпе килĕшетпĕр. Асăннă юлташсене редакцине кĕрсе тухма чĕнетпĕр. Сире Тав çырăвĕ тата парне кĕтет.
Редакци.
Автономное учреждение Чувашской Республики «Редакция Красночетайской районной газеты «Пирĕн пурнăç» («Наша жизнь») Министерства информационной политики и массовых коммуникаций Чувашской Республики