09:59 12 февраля 2015 г.
Чăваш Республикин тава тивĕçлĕ ял хуçалăх ĕçченĕ (1998 çул, ноябрĕн 5-мĕшĕ), Раççей Федерацийĕн тава тивĕçлĕ ял хуçалăх ĕçченĕ (2011 çул, августăн 10-мĕшĕ) хисеплĕ ятсене, "Чăваш Республики умĕнчи тава тивĕ&¸лĕ ĕçсемшĕн" орден медальне (2013 çул, майăн 7-мĕшĕ), 2001 çултан пуçласа Чăваш Республикин Ял хуçалăх министерствин коллегийĕн членĕ, Республика Пуçлăхĕн çумĕнчи патшалăх грамотисене парас енĕпе ĕçлекен комисси членĕ (2013 çултанпа), Чăваш Республикин чылай Хисеп грамотине, Раççей Федерацийĕн Ял хуçалăх министерствин Хисеп грамотине тата ытти нумай хисеп хучĕсене тивĕçнĕ, çамрăкран пуçласа 2010 çулччен район Пухăвĕн депутачĕ, 2005-2010 çулсенче район Пухăвĕн депутачĕсен председателĕ пулнă Альбина Борисовна Новикова "Коминтерн" ял хуçалăх производство кооперативне ертсе пыма пуçланăранпа 20 çул çитрĕ. Çак тапхăрта вăл тăрăшнипе "Коминтерн" ЯХПК-ра питĕ курăмлă улшăнусем пулса иртрĕç: хуçалăх хăватлă аталанса пырать, ура çинче çирĕп тăрать.
Шăпах çак тĕллевпе, "Коминтерн" ЯХПК 20 çул хушшинче мĕнле аталану çулĕпе утса пынин историне аса илме, ыран, февралĕн 12-мĕшĕнче, районти тĕп Культура керменĕнче (Клубсен пĕрлештернĕ тытăмĕнче) пуçтарăнĕç район халăхĕпе республикăра ял хуçалăх ĕçне парăннă çынсем. Пуçламăшĕ - 11 сехет те 30 минутра. Кам та кама ял хуçалăх отраслĕ çывăх, "Коминтерн" ял хуçалăх кооперативĕ тата Альбина Борисовна Новикован пурнăçĕ интереслентерет - кашни çыншăн çав кун Культура керменĕн алăкĕ уçă.
А.ОРИНОВА.
¸
Автономное учреждение Чувашской Республики «Редакция Красночетайской районной газеты «Пирĕн пурнăç» («Наша жизнь») Министерства информационной политики и массовых коммуникаций Чувашской Республики