09:37 14 декабря 2015 г.
Pаштавӑн 13-мӗшӗнче Чӑваш патшалӑх филармони залӗнче «Чӑваш пики – 2015» конкурс иртнӗ. Унта Елчӗк районӗнчен — Диана Соснова, Йӗпреҫ районӗнчен — Анжела Ефимова, Тутар Республикинчен — Карина Григорьева, Шупашкар районӗнчен — Анна Кириллова, Куславкка тӑрӑхӗнчен — Елизавета Сергеева, Канаш хулинчен — Ольга Зайцева, Тӑвай районӗнчен — Анастасия Гурьева, Патӑрьел районӗнчен — Мария Самделова, Вӑрнар районӗнчен — Олеся Никитина, Комсомольски районӗнчен — Диана Карпова, Ҫӗрпӳ тӑрӑхӗнчен — Марина Арсентьева, Элӗк районӗнчен — Инесса Шашкина, Трак тӑрӑхӗнчен — Анна Васильева, Сӗнтӗрвӑрри районӗнчен — Ксения Федотова, Муркаш тӑрӑхӗнчен — Виктория Тихонова, Етӗрне районӗнчен — Анастасия Матвеева, Чӗмпӗр облаҫӗнчен — Наталья Портнова, Хӗрлӗ Чутай районӗнчен Ирина Романова хутшӑннӑ.
Пикесем 5 номинацире тупӑшнӑ. Малтанах вӗсем хӑйсемпе паллаштарнӑ, унтан пултарулӑх конкурсӗ иртнӗ. Кун хыҫҫӑн хӗрсем ыйтусен хуравланӑ, хӑйсем пӗҫернӗ наци апат-ҫимӗҫӗпе паллаштарнӑ, хитре тумӗсене кӑтартнӑ.
Жюри пайташӗсем чылай вӑхӑт канашланӑ хыҫҫӑн пӗтӗмлетӳ тунӑ. Куракансен кӑмӑлне каякан пике ята Олеся Никитина тивӗҫнӗ, «Ҫепӗҫ пике» — Диана Карпова, «Хӳхӗм пике» — Ольга Зайцева, «Ӑслӑ пике» — Анастасия Матвеева. Номинацире ҫӗнтернисене планшетпа чысланӑ. Кӑҫал «Вице-Чӑваш пики» Анастасия Гурьева пулса тӑнӑ. «Чӑваш пики» ята вара Муркаш тӑрӑхӗнчен килнӗ Виктория Тихонова тивӗҫнӗ.
Автономное учреждение Чувашской Республики «Редакция Красночетайской районной газеты «Пирĕн пурнăç» («Наша жизнь») Министерства информационной политики и массовых коммуникаций Чувашской Республики