Новости » Фотоконкурс пĕтĕмлетĕвĕсем

08:56 24 декабря 2015 г.

Çулталăк вĕçленсе пынă май Аслă Çĕнтерĕве 70 çул çитнине халалланă "Манăн тăвансем - Аслă Отечественнăй вăрçă çулĕсенче" фотоконкурса пĕтĕмлетме вăхăт çитрĕ.

Çулталăка яхăн пынă конкурса чылай сăнỹкерчĕк килчĕ, вĕсенчен 20-шĕ хаçат страницисенче кун çути курчĕ. Шел те, конкурс условийĕсемпе килĕшсе тăманран хăш-пĕр сăнỹкерчĕксемпе усă курма май килмерĕ. Апла пулин те конкурса хутшăнма кăмăл тунă пур вулакана та питĕ-питĕ пысăк тав сăмахĕ калатпăр. Конкурс çĕнтерỹçисене палăртма çăмăл пулмарĕ. Сăнỹкерчĕксене хакланă хыççăн "Конкурса чи активлă хутшăнакан" номинацире Хĕрлĕ Чутай салинчи Куличевсен çемйи, Шĕмшешри В.Г.Храмов, Яманкассинчи Ф.С.Алексеев çĕнтернине палăртрăмăр. "Хăйнеевĕрлĕхпе палăракан сăнỹкерчĕк" номинацире Сĕнтĕкçырминчи С.В.Яруткина, Штанашри Г.В.Зотова, Иккĕмĕш Хурашашри З.И.Матвеева çĕнтерчĕç. Асăннă юлташсене редакцине кĕрсе тухма чĕнетпĕр.

Редакци.

Автономное учреждение Чувашской Республики «Редакция Красночетайской районной газеты «Пирĕн пурнăç» («Наша жизнь») Министерства информационной политики и массовых коммуникаций Чувашской Республики