14:09 24 декабря 2015 г.
Декабрь уйăхĕн пуçламăшĕнчех район хаçатĕнче "Пирĕн пурнăç" çырăн та, мультиварка выляса ил" текен пĕлтерỹ кăлартăмăр. Пĕрремĕш пĕлтерỹ хыççăнах район хаçатне юратса вулакансем, çитес çулăн пĕрремĕш çур çулĕ валли çырăннисем хаçат çырăннине ĕнентерекен квитанцисене редакцине килсе пама, почта е электрон адреспа яма тытăнчĕç. Уяв тата выляв вăхăчĕ çывхарнă май район хаçатне калăплакансен çуртне халăх чылай килчĕ: кам такси тытса, тепри автобуспа, тепри туйи çине таянса... Пурте мультиварка выляса илес ĕмĕтпе килчĕç. Кашни квитанциех ятарлă журналата номерлесе регистрацилерĕмĕр.
Декабрĕн 24-мĕшĕнче вара квитанцисене юлашки хут йышăнтăмăр. Пĕтĕмпе редакцине 296 квитанци килсе çитрĕ, вĕсен номерĕсемпе 10 сехетре выляв ирттертĕмĕр. Мультиварка выляса илекенĕ - квитанцине почта урлă ярса панă, Трапайри Хуторок урамĕнче пурăнакан Г.Е.ХРАМОВА, унăн квитанци номерĕ 65. Эпир ăна парне выляса илнĕ ятпа чун-чĕререн саламлатпăр, çитес кунсенче (декбрĕн 31-мĕшĕнчи 12 сехетчен) редакцинче кĕтетпĕр. Пĕрле паспорт илме ыйтатпăр.
Район хаçатне 2016 çулăн пĕрремĕш çур çулĕ валли çырăнса лотерейăна хутшăнма кăмăл тунă кашни çынна тав тăватпăр.
Редакци.
Автономное учреждение Чувашской Республики «Редакция Красночетайской районной газеты «Пирĕн пурнăç» («Наша жизнь») Министерства информационной политики и массовых коммуникаций Чувашской Республики