00:00 14 мая 2008 г.
Чăваш Республикин «Чăваш Республикинчи ачаллă граждансене патшалăх пособийĕ парасси çинчен» саккунне улшăнусем кĕрт¬мелли саккун проекчĕпе килĕшÿллĕн ачаллă граждансен патшалăх пособине çуллен индексацилеме тата виçине кăçалхи апрель уйăхĕн 1-мĕшĕнчен 8,5 процент пысăклатма палăртнă. Пĕр ачаллă çемьесене тивекен чи пĕчĕк виçе – 117 тенкĕ, чи пысăкки – 4958. Ăна 7-18 çулти ачана çемьене йышăннă опекунсене, попечительсене параççĕ. Çемьене тивекен хисеп кÿршĕ Республикăрисенчен пысăкрах. Сăмахран, Ульяновск облаçĕнче пĕр ачашăн уйăхра – 90, Мордва, Удмурт республикисенче, Киров, Чулхула облаçĕсенче 100 тенкĕ тÿлеççĕ.
Ача пособийĕ валли 2008-мĕш çулта Чăваш Республикин бюджетĕнче 593,0 миллион тенкĕ палăртса хăварнă, унăн виçине ÿстерме тата 33,8 миллион тенкĕ хушса тăкаклаççĕ.