00:00 12 июня 2008 г.
Кăçалхи июнĕн 12-мĕшĕнче районта ĕçпе юрă тата спорт уявĕ иртет. Вăл çурхи уй-хир ĕçĕсене вĕçленнĕ ятпа “Чавал” уçланкинче пулать. “Акатуй” уявне кăçалхипе 56-мĕш хут йĕркелеççĕ.
Район администрацийĕн пуçлăхĕн йышăнăвĕпе килĕшÿллĕн, ял хуçалăх предприятийĕсен ертÿçисене, ял тăрăхĕсен пуçлăхĕсене районти “Акатуйччен” вырăнта ĕçпе юрă тата спорт уявĕсем ирттерме хушнă. Вĕсенче малта пыракансене чыслассине йĕркелемелле, юрă-ташă ăстисен пултарулăхĕпе паллаштармалла.
Уява çÿллĕ шайра хатĕрленсе ирттерме йĕркелÿ комитечĕ туса хунă. Ăна район пуçлăхĕн пĕрремĕш çумĕ, ял хуçалăх, экономика, пурлăх тата çĕр хутшăнăвĕсен управленийĕн начальникĕ А.П.Самылкин ертсе пырать. Мероприятисен планне туса хатĕрленĕ, уявшăн яваплă çынсене çирĕплетнĕ.