00:00 16 июля 2008 г.
Паян республикăра, çавăн пекех пирĕн районта та Пĕрлехи информаци кунĕ иртет. Района Чăваш Республикин культура, национальноçсен ĕçĕсен, информаци политикин тата архив ĕçĕн министрĕ Р.М.Лизакова ертсе пыракан ушкăн çитмелле. Информаци кунĕн теми – «Кăçалхи Республика кунĕн пĕтĕмлетĕвĕсем: обществăлла политика тата социаллă экономика эффекчĕ», «Вырăнти хăй тытăмлăх органĕсен территорисене тирпей-илем кĕртес тата симĕслентерес, халăха пахалăхлă пулăшупа тивĕçтерес, тавралăха тата экологие хÿтĕлес задачăсем çинчен», «Чăваш Республикин 2020 çулчченхи социаллă экономика аталанăвĕн Стратегийĕсем çинчен» саккунне улшăнусем кĕртмелли Чăваш Республикин саккунĕн проекчĕ».
Райадминистраци ĕçченĕсемпе пĕрле Информаци кунне килсе çитнисем ушкăнсене пайланса ял тăрăхĕсене çитĕç, халăхпа тĕл пулса калаçĕç, кун йĕркинчи ыйтусене сÿтсе явĕç, ял çыннисене хуравсем парĕç.