00:00 13 августа 2008 г.
“Ялăн 2010 çулчченхи социаллă аталанăвĕ” программăна ĕçе кĕртсе пынă май кăçал 2007 çулхи лимита пурнăçласа виçĕ çамрăк çемьене çурт-йĕр лартма, туянма 618,1 пин тенкĕ социаллă тÿлевпе тивĕçтернĕ. Акă, нумай пулмасть Хусанушкăнь ял тăрăхне кĕрекен Хурашашри Якимовсем çĕнĕ çурта пурăнма куçнă. Мăшăр Хурашашри пуçламăш шкул-ача садĕнче тăрăшать. Анна документсем хатĕрлес енĕпе ĕçлет. Алексей – хуралçă. Ашшĕпе амăшĕ икĕ ачана – Вероникăпа Даниила воспитани параççĕ.
Якимовсем çÿлерех асăннă программăпа килĕшÿллĕн кăçал 217 пин тенкĕ социаллă тÿлев илнĕ. Хăйсен вăйĕпе тата патшалăх пулăшăвĕпе усă курса вĕсем çĕнĕ кирпĕч çурт çĕклесе лартнă.
Г.Петров