00:00 10 сентября 2008 г.
Кăçалхи июль уйăхĕнче Атнар ял тăрăхĕн администрацийĕ “Ял тăрăхĕнчи чи лайăх фонтан” смотр-конкурс ирттересси çинчен пĕлтернĕ. Сентябрь уйăхне кĕрсен унăн кăтартăвĕсене пĕтĕмлетнĕ. Конкурса пурĕ тăхăр çын – Атнарти Петр Вазиков, Юрий Данилов, Аркадий Туйманкин, Олег Афанасьев, Трапайри Иван Хораськин, Çĕн Туканашри Александр Кузнецов, Владимир Князев, Туканашри Борис Ванягин тата Михаил Никифоров хутшăннă. Хак панă чухне дизайнпа территори тирпей-илемне шута илнĕ. Чăнах та, кашниех фонтансене хăйне евĕрлĕ, сад-пахчана илем кÿмелле ăсталама тăрăшнă.
Çапах та пурин те ĕçре çитменлĕхсем пуррине палăртнă, çавна май пĕрремĕшпе иккĕмĕш вырăнсене никама та паман. И.Хораськин виççĕмĕш вырăн йышăннă, ăна укçан 500 тенкĕ преми парса хавхалантарнă.