00:00 08 ноября 2008 г.
Ноябрĕн 1-мĕшĕнче Хĕрлĕ Чутай вăтам шкулĕнчи кĕçĕн çулсенчи çăмăл атлетсем республикăри пысăк ăмăртăва хутшăннă. Кĕске дистанцие, 300 метра, хăвăрт чупассипе Маша Филиппована (тренерĕ Л.Михуткина) çитекенни пулман. 10-12 çулхисен ушкăнĕнче Маша финиша пĕрремĕш çитсе республикăра чемпион ятне çĕнсе илме пултарнă. Маттур, Маша!
Сăмах май, Маша халĕ 4-мĕш класра вĕренет.Вăл шкула çÿреме пуçласанах спорта кăмăлланă. Тренерсем унăн пултарулăхне асăрханă та ĕнтĕ. Вăл районта çуран чупассипе ÿсĕм хыççăн ÿсĕм тăвать, кăтартăвĕсем савăнтараççĕ.
Л.Шивиркина