00:00 15 ноября 2008 г.
Чечек яланах çын пурнăçне илем кÿнĕ. Çын хитрелĕхне те чечекпе танлаштарнă, ÿсĕм-ăнăçу суннă чухне те чечеклентĕр пурнăçу тетпĕр...Ăçта чечек хăйĕн илемĕпе хуçаланать, çавăнта тирпейлĕх, ырăлăх...
Кăçал республикăра Ыр кăмăллăх çулне ăсататпăр, Раççейре – Çемье çулне. Çитес çул районта вара мĕн пур предприятисемпе учрежденисенче, ял тăрăхĕсенче, уйрăм кил-çуртсенче чечексем хăйсен илемĕпе тыткăнлаччăр. Çапла.
Район пуçлăхĕ А.И. Криков тунти кунсерен предприятисемпе учрежденисен ертÿçисемпе иртекен планеркăра 2009 çулта чечексен конкурсĕ пулассине пĕлтерчĕ. Конкурса йĕркеллĕ ирттерес енĕпе райадминистрацин обществăлла инфратытăм аталанăвĕн пайĕ яваплă, пĕтĕмлетĕвне вара август уйăхĕнче тума палăртнă. Апла пулсан, çитес çул чечексем пирĕн куçсене илĕртсе тăччăр.