00:00 15 ноября 2008 г.
Юлашки çулсенче чылай çул ĕçлесе тăрăшулăхпа палăрнăшăн «Ĕç ветеранĕ» ята тивĕçекенсем районта йышлансах пыраççĕ. Вĕсем пирки хаçат страницисенче тăтăшах пĕлтерсе тăратпăр. Ку хутĕнче, савăнсах пĕлтеретпĕр, Чăваш Республикин Президенчĕн Н.В.Федоровăн 2005 çулхи августăн 4-мĕшĕнчи 62" Указĕпе тата кăçалхи ноябрĕн 6-мĕшĕнчи 331" ЧР Министрсен Кабинечĕн йышăнăвĕпе килĕшÿллĕн «Ĕç ветеранĕ» ята Хĕрлĕ Чутай салинчен Михаил Егорович Аливанкинпа Константин Александрович Грузинов, Пухтанкассинчен Николай Германович Пудейкин, Хурапыр ялĕнчен Лидия Ивановна Дадюкова тивĕçрĕç. Палăртмасăр иртме çук, июль уйăхĕнче «Ĕç ветеранĕ» ята Валерий Порфирьевич Апалеев та илчĕ.
Малашлăхра асăннă çынсем район пуласлăхĕшĕн сахал мар вăй хурасса шанас килет.