00:00 24 декабря 2008 г.
Нумай пулмасть республикăра ăслăлăхпа фантастикăлла чăвашла çырнă произведенисен жанрне йышăннăранпа 60 çул çитнине халалланă литература конкурсĕ иртнĕ. Конкурса шкулта вĕренекен çамрăк çыравçăсем хастар хутшăннă. Асăннă мероприятире Штанашри вăтам шкулти вĕренекенсем те активлăхпа палăрнă. 1-5-мĕш классем хушшинче «Проза, драматурги» номинацире Анна Коннова 2-мĕш вырăн йышăнма пултарнă, 3-мĕш – Ксения Семенова.
6-8-мĕш классен тупăшăвĕнче «Поэзи» номинацире Григорий Осипов 3-мĕш вырăна тивĕçнĕ.
«Интернет-сасăлав тăрăх чи лайăх произведени» номинацире те Штанашри 5-мĕш класра вĕренекенсем пултарулăхпа палăрнă.
Çĕнтерÿçĕсене ЧР Вĕрентÿпе çамрăксен политикин министерствин Хисеп грамотисемпе чысланă.
Л.Медведева