00:00 17 января 2009 г.
Çĕнĕ çула кашни çĕнĕ ĕмĕт-тĕллевсемпе кĕтсе илет. Хĕрлĕ Чутай салинче пурăнакан Иринăпа Юрий Бронюковсем вара 2009 çула йыш хушăннипе кĕтсе илнĕ – тахçанах кĕтнĕ Виктория хĕр çуралнă (çемьере 2-мĕш ача).
Хĕллехи канмалли кунсем вăрăм пулнăран, январĕн 11-мĕшĕнче райадминистрацин ЗАГС пайĕнче Бродюковсен çемйине "çĕнĕ кайăк" вĕçсе килнине регистрациленĕ. Сăмах май, Виктория халĕ çĕнĕ çулта чи пĕрремĕш регистрациленĕ ача пулнипе паллă пулса юлать.
Çĕнĕ çулхи чи пĕрремĕш пепке – арçын ача - январĕн 3-мĕшĕнче Калкассинчи М.В.Смирнова çемйинче кун çути курнă.
Сăмах май, январĕн 16-мĕшĕ тĕлне районĕпе 10 ача (7 арçын ача, 3 хĕр) çуралнă. Ку пĕлтĕрхи çак тапхăрти кăтартуран 4 ача ытларах.
Л.МЕДВЕДЕВА.