00:00 21 января 2009 г.
Кăçалхи январĕн 20-23-мĕшĕсенче Раççей Почти Ленинград блокадине татнăранпа 65 çул çитнĕ май «За оборону Ленинграда» медале, «Жителю блокадного Ленинграда» паллăна тивĕçнĕ Аслă Отечественнăй вăрçă ветеранĕсемпе граждансене Раççей Федерацийĕн Президенчĕн саламлă çырăвĕсене çитерсе парĕ. Ярса пама типографи мелĕпе почта тÿлевĕн патшалăх паллисене лартнă ятарлă конвертсем хатĕрленĕ. Çырусем «Çĕнтерÿ кунĕ» тесе çырнă уйрăм михĕсенче, кирлĕ документсемпе пĕрле, упранĕç.
Январĕн 16-мĕшĕ тĕлне Чăваш Енри ветерансем патне Президент саламĕсем 187 çитнĕ.
Хамăр корр.