00:00 04 февраля 2009 г.
Иртнĕ канмалли кунсенче районти шкул ачисем республикăри ăмăртусене хутшăнса вăй виçнĕ.
Йĕлтĕрçĕсем – М.Ефремов, Э.Дадюков (Хĕрлĕ Чутай), Н.Кириллова, Н.Федорова, А.Фондеркин (Питĕркасси) республикăри чемпионатра тупăшнă. Э.Дадюковпа Н.Кириллова дистанцисене аван кăтартусемпе вĕçленĕ.
Çăмăл атлетсем (тренерĕ Л.Михуткина) Çĕмĕрле хулин спорт шкулĕ йĕркеленĕ чемпионата хутшăннă. Ăмăртусем «Труд» стадионра иртнĕ. Кунта Хĕрлĕ Чутай вăтам шкулĕнче 3-4 классенче вĕренекенсем тупăшнă. М.Филиппова 30 тата 300 метра чупассипе 2-мĕш вырăна тивĕçнĕ, К.Егорова 30 метрлă дистанцире виççĕмĕш пулнă. Д. Афанасьев çÿллĕшне сикессипе виççĕмĕш вырăн çĕнсе илнĕ. Çавăн пекех Ю.Степанов, Ю.Григорьева, Е.Герасимова пур енлĕн кĕрешсе лайăххисен йышĕнче пулнă.
Халĕ çамрăк атлетсем февралĕн 7-8-мĕшĕсенче Çĕнĕ Шупашкарта «Ылтăн шиповка» ятпа иртекен чемпионата хатĕрленеççĕ.