00:00 18 февраля 2009 г.
Районти ЗАГС пайĕнчен пĕлтернĕ тăрăх, февралĕн 16-мĕшĕ тĕлне 26 ача çуралнине регистрациленĕ. 2008 çулта ку тапхăрта 22 пепке çут тĕнчене килнĕ. Çапла вара район территорийĕнче ача çураласси майĕпен ÿсет. Акă, Çветтуй Валентин кунĕнче Туктамăшри Юрий Васильевичпа Татьяна Владимировна Мидаковсен пĕрремĕш ача – Полина хĕр пĕрчи çуралнă.
Кăçал мăшăрланас шухăшлисем сахалланнă. Çулталăк пуçланнăранпа 8 мăшăр çемье çавăрнă, иртнĕ çул çак хушăра 19 мăшăр туй кĕрлеттернĕ. Юратакансен кунĕнче Хĕрлĕ Чутайри А.Л.Шуськин Шупашкар хĕрĕпе пĕрлешсе хăйсен юратăвне алă пусса çирĕплетнĕ.
Хальлĕхе арканнă 4 çемье пурри паллă, пĕлтĕр кун пек тĕслĕхсем ытларах пулнă.
Шел те, вилекенсен йышĕ çуралакансенчен çав-çавах пысăк – 50 çын çĕре кĕнĕ. 2008 çулта вĕсен йышĕ 75-пе танлашнă.
Л.МЕДВЕДЕВА.