00:00 11 марта 2009 г.
16 ача таран çуратса ÿстернĕ, пурнăç çулĕ çине кăларнă ача амăшĕ – Римма Ивановна Антонова чăннипех ырă ята тивĕç. Çак кунсенче Вишенер ялĕнче пурăнакан ĕç ветеранĕ 70 çулхи юбилейне паллă тунă.
Çăмăл пулман хĕрарăма çавăн чухлĕ ачана ура çине тăратма. Унпа пĕрлех вăл хуçалăх ĕçне хастар хутшăннă. 1975 çулта Р.И.Антонована "Ача амăшĕ - героиня" Хисеплĕ ят парса чысланă. Унăн "Ача амăшĕн мухтавĕ" 1 тата 3 степеньлĕ орденĕсем те пур, ача амăшĕн медалĕсем те хĕрарăма чыс кÿреççĕ.
Мартăн 8-мĕшĕ умĕн Питĕркасси ял тăрăхĕн пуçлăхĕ А.Т.Дмитриев нумай ачаллă амăшне юбилей ячĕпе тата Пĕтĕм тĕнчери хĕрарăмсен кунĕпе саламланă. Çавăн пекех 16 ачи: Люба, Ваня, Галя, Надя, Юрий, Коля, Алеша, Оля, Вера, Валя, Лена, Аля, Сергей, Дима, Марина, Миша юратнă амăшне саламлама тăван киле пуçтарăннă.
Л.ИВАНОВА.