00:00 14 марта 2009 г.
«Ĕç ветеранĕ» ята илекенсем районта çулран-çул нумайланаççĕ. Социаллă хÿтлĕх пайĕ пĕлтернĕ тăрăх, районта çак хисеплĕ ятпа пурĕ 2798 граждана наградăланă, вăл шутра «Чăваш Республикин ĕç ветеранĕ» ята – 24-шне. ЧР Министрсен Кабинечĕн 57-мĕш йышăнăвĕпе килĕшÿллĕн, районта тата тепĕр икĕ çын «Ĕç ветеранĕ» ята тивĕçнĕ. Вĕсем: Тури Çĕрпÿкассинчи Галина Александровна Кудряшовапа Черемушкинчи Лидия Петровна Мерескина. Сăмах май каласан, асăннă çынсем хăй вăхăтĕнче ĕçре тăрăшулăх кăтартнăшăн чылай ăшă сăмахсене тивĕçнĕ. Акă, Г.Кудряшована «2002 çулхи Халăх çыравне активлă хутшăннăшăн» паллăпа наградăланă, Л.Мерескинана – «Раççей Федерацийĕн вăрман пуянлăхне упранишĕн тата пуянлатнишĕн» паллăпа.
Хисеплĕ хĕрарăмсене «Ĕç ветеранĕ» ята тивĕçнипе саламлатпăр.
Л.СЕРГЕЕВА.