00:00 18 марта 2009 г.
Районти ял тăрăхĕсен пуçлăхĕсем çамрăксене физкультурăпа спорта явăçтарассипе тăрăшса ĕçлени савăнтарать. Ку енĕпе уйрăмах Атнар ял тăрăхĕн ертÿçине А.Н.Кузнецова ырламалла. Акă, мартăн 14-мĕшĕнче вырăнти шкулта А.Н.Кузнецовăн парнисене çĕнсе илессишĕн шахмат турнирĕ иртнĕ. Тупăшăва Çĕмĕрле районĕн спортсменĕсем те хутшăннă.
Кĕрешÿре районти чи ăста шахматистсем хăйсен пултарулăхне кăтартнă. Хĕрлĕ Чутай шкулĕнче вĕренекен Олег Коршунов харпăр хăйшĕн кĕрешсе чемпион ятне тивĕçнĕ, хĕрсен ушкăнĕнче Карина Ефимова (Кушлавăш ялĕ) палăрнă. Команда тăрăх илсен, пĕрремĕш вырăна Çĕн Атикасси шкулĕн вĕренекенĕсем çĕнсе илнĕ, иккĕмĕш – çĕмĕрлесем, виççĕмĕш – Хĕрлĕ Чутай шкулĕн спортсменĕсем.
Л.ШИВИРКИНА.