00:00 25 марта 2009 г.
Районта "Ĕç ветеранĕ" хисеплĕ ята тивĕçекенсен йышĕ ÿссех пыни савăнтарать. Акă, Чăваш Республикин Министрсен Кабинечĕн мартăн 19-мĕшĕнчи 81 тата 82-мĕш йышăнăвĕсемпе пирĕн районти тата 7 çын çак ята тивĕçнĕ. "Чăваш Республикин ĕç ветеранĕ" ятпа Григорий Александрович Чернова (Пухтанкасси ялĕ) чыслама йышăннă. Сăмах май, ăна 1981 çулта ЧАССР Аслă Канашĕн Президиумĕн Хисеп грамотипе наградăланă. "Ĕç ветеранĕ" ята вара 6-ăн тивĕçнĕ. Вĕсем: Валерий Михайлович Белов (Кив Ирчемес) – "Пилĕк çуллăх ударникĕ" паллă (1980 ç.) пур; Галина Петровна Крылова (Штанаш) – ăна 1989 çулта I тата II степеньлĕ Ача амăшĕн медалĕпе чысланă ; Анна Герасимовна Прохорова тата Екатерина Алексеевна Прохорова (Хватукасси) – иккĕшĕ те 1976 çулта "Социализмла ĕç ăмăртăвĕн çĕнтерÿçи" ята тивĕçнĕ; Александра Алексеевна Семенова (Ишеккасси) – I степеньлĕ Ача амăшĕн медалĕ пур; Николай Николаевич Яконин (Çĕн Ирчемес) – ăна 1975 çулта "Ĕçри хастарлăхшăн" медальпе наградăланă.
"Ĕç ветеранĕ" ята тивĕçнисене саламлатпăр, малашнехи пурнăçра çирĕп сывлăх, телей сунатпăр.
Н.ПЕТРОВА.