00:00 01 апреля 2009 г.
Ял тăрăхĕсем хушшинчи тĕп библиотекăри ачасемпе ĕçлекен пай Ачасемпе çамрăксен кĕнекин эрнине ирттерет. Мартăн 27-мĕшĕнче Н.В.Гоголь 200 çул тултарнине халалланă «Çыравçăн пултарулăх мастерскойĕнче» викторина йĕркеленĕ. Унăн тĕллевĕ – писатель творчествине тата произведенийĕсене мĕнле пĕлнине палăртасси.
Ачасенчен нумайăшĕ викторина ыйтăвĕсене тĕрĕс хуравланă, Н.В.Гоголь çырнă хайлавсем тăрăх геройсен пурнăçĕ, характерĕ, йăли-йĕрки çинчен каласа панă. Мероприятиччен ÿкерчĕксен куравне, «Гоголе халалланă» эссе йĕркеленĕ.
Курава Хĕрлĕ Чутайри вăтам шкулта 9 Б класра вĕренекен Сергей Сергеев «Невски проспект. Малалли» эссе тăратнă. Вăл маларах республикăри «Вулакантан – истори» конкурса хутшăнса 15-17 çулсенчи çамрăксем хушшинче чи лайăх сочинени çырассипе иккĕмĕш вырăна тухнă, Диплом çĕнсе илнĕ.