00:00 04 апреля 2009 г.
Апрелĕн 2-мĕшĕнче Раççей Федерацийĕн Патшалăх Думин депутачĕ Павел Семенов ĕçлĕ çул-çÿревпе пирĕн районта пулчĕ. Вăл чи малтанах район пуçлăхĕпе Александр Криковпа тĕл пулса районăн экономикăпа социаллă аталанăвĕ пирки калаçнă, вĕрентÿÿ, культура, сывлăх сыхлавĕ, ялсенче асфальт сарнă çулсем тăвассине вăйлатас ыйтусем çинче чарăнса тăнă.
Павел Владимирович «Единая Россия» политика партийĕн районти уйрăмĕн обществăлла йышăну пÿлĕмĕнче, Хусанушкăнь тата Мăн Этмен ял тăрăхĕсен администрацийĕсенче граждансене харпăр хăй ыйтăвĕсемпе йышăннă. Патшалăх Думин депутачĕ районта пурăнакан 15 çын ыйтăвĕпе пулăшма ыйтнине тивĕçлĕ хуравсем панă.
Павел Семеновпа Александр Криков çавăн пекех ял тăрăхĕсен специалисчĕсемпе тĕл пулса калаçнă.
(Хамăр инф.).