00:00 04 апреля 2009 г.
Çуркуннехи каникул кунĕсенче шкулта вĕренекенсем спорт ăмăртăвĕсене сахал мар хутшăнчĕç. Акă, Çĕнĕ Шупашкарта иртнĕ çăмăл атлетсен "В.Г.Надеждин мемориалĕ" Пĕтĕм Раççейри ăмăртăвĕнче пирĕн вĕренекенсем лайăх кăтартусемпе савăнтарчĕç. Сăмах май, çак йăлана кĕнĕ кĕрешĕве Раççей Федерацийĕнчи 450 спортсмен ытла хутшăнчĕ. Пирĕн район чысне тăватă вĕренекен хÿтĕлерĕ. Хĕрлĕ Чутайри вăтам шкулта пĕлÿ илекен Эдуард Дадюков – 60 метра, Шупашкарти Олимп резервĕсен училищинчи Алиса Патьянова 800 метра чупса кĕмĕл медальсем çĕнсе илчĕç.
Хĕрлĕ Чутайри вăтам шкулти 7-мĕш класа çÿрекен Лариса Башкирова 200 метрлă дистанцире 62 çăмăл атлет хушшинче пиллĕкмĕш пулчĕ. Атнарти вăтам шкулта вĕренекен Анжела Андрееван вăхăчĕ те лайăх.
А.НИКИТИН, ачасемпе çамрăксен спорт
шкулĕн директорĕ.