00:00 16 мая 2009 г.
Майăн 12-мĕшĕнче Чăваш Республикинче "Вĕрентÿ" наци проектне пурнăçа кĕртессипе ĕçлĕ ушкăнăн ларăвĕ иртнĕ. Унта кăçалхи конкурса хутшăннă чи лайăх вĕрентекенсен рейтингне тата РФ Президенчĕн грантне çĕнсе илнĕ педагогсен йышне çирĕплетнĕ. Палăртма кăмăллă, сумлă гранта тивĕçнисен шутĕнче Хĕрлĕ Чутай шкулĕнче вырăс чĕлхипе литературине вĕрентекен Валентина Андреевна Кудряшова та пур. Сăмах май, районĕпе РФ Президенчĕн грантне çĕнсе илессишĕн 21 педагог тупăшăва хутшăннă.
Асăнмалла, "Вĕрентÿ" наци проекчĕ вăя кĕнĕренпе РФ, ЧР Президенчĕсен гранчĕсене çĕнсе илессишĕн ăмăртăва республикипе вĕрентекенсен 15 проценчĕ хутшăннă. Тăватă çул хушшинче патшалăх пулăшăвне федераллă бюджетран республикăри 336 учитель илнĕ, 90 педагог – ЧР Президенчĕн премине.
Л.ЗАЙЦЕВА