00:00 16 мая 2009 г.
Çамрăксен çулталăкне тĕпе хурса иртнĕ Пĕтĕм Раççейри "Тăван çĕршыва халаллатпăр" почта конверчĕсемпе реклама маркисен ÿкерчĕк конкурсне пĕтĕмлетнĕ. Вăл кăçалхи мартăн иккĕмĕшĕпе апрелĕн 15-мĕшĕччен пынă. Ку конкурса шкулсенче вĕренекенсем, хула-районсенчи Ачасен пултарулăх çурчĕсенче ăс пухакансем хутшăннă. Хăйсен ĕçĕсенче вĕсем Раççей строительствинче çамрăксен тÿпи мĕнле пулмаллине кăтартнă.
Жюри чи лайăх ÿкерчĕксене суйласа илсе çĕнтерÿçĕсене палăртнă. Унсăр пуçне Пĕтĕм Раççейри "Тăван çĕршыва халаллатпăр" конкурс лауреачĕсем пулма тăхăр ача тивĕçнĕ. Вĕсен йышĕнче – Хусанушкăнь шкулĕнче 9-мĕш класра вĕренекен Алена Пакрушова.
Лауреатсем дипломсемпе Раççей Почтин парнисене илĕç.
Л.ЗАЙЦЕВА.