00:00 16 мая 2009 г.
Иртнĕ уйăхран тытăнса Етĕрне тата Хĕрлĕ Чутай районĕсен çар ĕç комиссариатĕнче хĕрÿ тапхăр пуçланчĕ, кăçалхи çуркуннехи призывпа яш-кĕрĕмсене çара ăсатаççĕ. Тăван çĕршыва хÿтĕлеме майăн 13-мĕшĕнче районти çамрăксенчен иккĕн: А. Дадюков, И.Назаров тухса кайрĕç, майăн 14-мĕшĕнче – Е.Данилова, майăн 15-мĕшĕнче А.Манилова тăванĕсем хĕсмете ăсатрĕç. Паян вара А.Антонов, П.Барышников, Д.Куропаткин, М.Селиванов хăйсен çывăх çыннисемпе сыв пуллашрĕç.
Асăнмасăр иртме çук, хаçат вулаканăмăр пĕлет ĕнтĕ, кăçалхи апрель уйăхĕн 10-мĕшĕччен Етĕрне тата Хĕрлĕ Чутай районĕсен çар комиссарĕ пулса А.С.Фокин тăрăшрĕ. Паянхи кун вăл – отставкăра. Çавна май, иртнĕ уйăхран пуçласа, асăннă çар комиссариатне пирĕн район çынни, В.Г.Мареев подполковник ертсе пырать. Калас пулать, районти çар комиссариачĕ пĕтнĕ хыççăн В.Мареев Элĕк районĕн çар комиссарĕ пулса тăрăшрĕ, унтан – Шупашкар тата Сĕнтĕрвăрри районĕсен çар комиссариатĕнче.
А.САВИНКИНА.