00:00 20 мая 2009 г.
Майăн 15-17-мĕшĕсенче Чăваш Ен команди (пурĕ 10 спортсмен) кире пуканĕ йăтассипе Рыбинск хулинче иртнĕ спорт ветеранĕсен Раççей чемпионатне хутшăннă. Çав йышра Хĕрлĕ Чутай салинчи спорт мастерĕсем – В.П.Ульяновпа Ю.А.Бронюков та кĕрешнĕ.
Акă, В.П.Ульянов 55-59 çулхи ветерансен йышĕнче (85 килограмм таякан атлетсен ушкăнĕнче) виççĕмĕш вырăн çĕнсе илнĕ. Ю.А.Бронюков 45-49 çулхисен йышĕнче (75 килограмм) иккĕмĕш вырăна тивĕçнĕ.
Хисеплĕ спорт ветеранĕсене Дипломсемпе тата медальсемпе чысланă.
Л.МЕДВЕДЕВА.