00:00 20 мая 2009 г.
Уйăхсерен республикăра, çавăн пекех районта та Информаци кунĕ иртет. Акă, черетлĕ Информаци кунĕ паян, майăн 20-мĕшĕнче, пулать. Унăн темисем: влаçăн тата вырăнти хăй тытăмлăх органĕсен ЧР Президенчĕн "2010-2012 çулсенче Чăваш Республикин бюджет политикинчи тĕп çул-йĕрсем çинчен" Указне пурнăçлас задачисем çинчен; республикăн "Чăваш Республикинче 2009-2011 çулсенче пирус туртассинчен сыхланмалли ĕçсем" тĕллевлĕ программăна пурнăçа кĕртес мерăсем çинчен; вырăнти хăй тытăмлăх органĕсен ялсене, вăрмансене тата экономика объекчĕсене пушар пуласран сыхлассине тивĕçтерес, çавăн пекех муниципаллă пĕрлешÿсен территорисене, масарсене, ял тăрăхĕсенчи çулсене тирпейлес задачисем.
Ку хутĕнче пирĕн района ЧР сывлăх сыхлавĕн министрĕ Н.Суслонова ертсе пыракан ушкăн килсе çитмелле.
Район пуçлăхĕ А.Криков сывлăх сыхлавĕн министрĕпе Н.Суслоновапа Атнар ял тăрăхĕнчи çынсемпе, унтан тĕп больницăн ĕç коллективĕпе тĕл пулĕç.