00:00 20 мая 2009 г.
Чиркĕве çÿрекенсем, ĕненекенсем пĕлеççĕ ĕнтĕ, Хĕрлĕ Чутайри Крестовоздвижени чиркĕвĕнче юлашки çулсенче чылай улшăну пулса иртрĕ. Кунта 18 çул ĕçленĕ Николай атте (Спиридонов) ĕçлерĕ. Анчах çак уйăхра вăл хăй çуралса ÿснĕ Каçал тăрăхне тухса кайнă, район центрĕнчи – Комсомольскинчи чиркÿре служба ирттерме пуçланă.
Ун вырăнне Хĕрлĕ Чутай чиркĕвне Чăваш Енри Варнава митрополит Хушăвĕпе килĕшÿллĕн, кăçалхи майăн 12-мĕшĕнче Алексей атте (Сорокин) килсе çитнĕ. Вăл Çĕрпÿ районĕнче 1966 çулта çуралнă. Шупашкарти тĕн училищинчен вĕренсе тухнă. Çакăн хыççăн Комсомольски чиркĕвĕнче 13 çул ĕçленĕ.
Çемьеллĕ, матушки – врач, хĕрĕ кооператив институтĕнче иккĕмĕш курсра вĕренет.