Новости » Концертпа савăнтарнă

00:00 27 мая 2009 г.

Халăх календарĕпе Çветтуй Николай Угодника халалланă уява çулталăкра икĕ хут паллă тăватпăр: пĕри хĕлле – декабрĕн 19-мĕшĕнче, тепри çуркунне – майăн 22-мĕшĕнче. Çветтуй Николай пире асамçă (чудотворец) пулнипе те паллă. Çак асăннă уява пирĕн районта пурăнакансем чыслăн паллă тума тăрăшаççĕ. Акă, иртнĕ эрнере Ачкасси ялĕнче пурăнакансем Микун кунне (эпир çапла калатпăр) пĕрле пухăнса ташласа- юрласа ирттернĕ. Уява пире паллă Ачкасси хĕрĕ Зоя Спиридонова йĕркеленĕ, халăха хăйĕн юррисемпе савăнтарнă. Çавăн пекех райадминистрацин социаллă аталану пайĕн начальникĕ А.Самсонов, Çĕнĕ Шупашкарти Л.Иванова, Шулюри Чишкинсен çемйи шăрантарнă юрăсем пухăннисен кăмăлне тыткăнланă.