00:00 30 мая 2009 г.
Кашни çулах районти хуçалăхсем уй-хир ĕçĕсене вĕçленĕ хыççăн ятарлă комисси калча пахалăхне тĕрĕслесе хак парать. Иртнĕ çул "Коминтерн" ял хуçалăх предприятийĕ ку енĕпе пĕрремĕш вырăна тухса хаклă парнене тивĕçнĕччĕ. Пĕчĕк хуçалăхсенчен вара "Победа" кооператив çĕнтернине палăртнăччĕ. Кăçал уй-хир ĕçĕсен тата калча пахалăхне июнĕн 5-мĕшĕнче тĕрĕслеме палăртнă. Унта район пуçлăхĕ Александр Криков, унăн пĕрремĕш çумĕ Александр Самылкин, ял тăрăхĕсен пуçлăхĕсем, хуçалăхсен ертÿçисемпе агрономĕсем, инженерĕсем, механизаторĕсем, "Россельхозцентр" специалисчĕсем тата райадминистрацин ял хуçалăх пайĕн ĕçченĕсем хутшăнаççĕ.
Комисси членĕсем çав кунхине 14 ял хуçалăх предприятийĕн уйĕсене çитсе кураççĕ. Район администрацийĕн ял хуçалăх пайĕн начальникĕ Николай Коробков уй-хир ĕçĕсен пахалăхне тишкерсе пĕтĕмлетÿ тăвать. Комисси вара мала тухнă çĕнтерÿçĕ-хуçалăхсене палăртать. Вĕсене районти Ĕçпе юрă тата спорт уявĕнче хаклă парнесемпе чыслĕç.
Г.ПЕТРОВ.