00:00 30 мая 2009 г.
РФ Правительстви патшалăх вузĕсенче ăс пухакан студентсен стипендине ÿстерессине тата Солженицын ячĕллĕ стипендие кĕртессине çирĕплетнĕ.
А.Жуков вице-премьер пĕлтернĕ тăрăх, Солженицын ячĕпе хисепленекен стипендие политологи, журналистика, литература енĕпе вĕренекенсене пысăк кăтартусем тунăшăн параççĕ. Ăна кăçалхи сентябрь уйăхĕнчен тивĕçтерме палăртаççĕ. Вĕсен хисепĕ нумаях пулмĕ – пурĕ 10. Стипенди виçи 1,5 пин тенкĕпе танлашĕ.
Студентсемпе аспирантсем валли РФ Правительствин ятарлă патшалăх стипендийĕ кăçалхи январĕн пĕрремĕшĕнчен 20 процент ÿснĕ. Çапла майпа, аспирантсемшĕн стипенди 3600 тенкĕ (уйăхра) пулать, вузсенчи студентсемшĕн – 1440, техникумсемпе колледжсенче вĕренекенсемшĕн 800 тенкĕ.