00:00 03 июня 2009 г.
Кĕтĕве ешĕл курăк çине кăларнăранпа ĕне выльăхран продукци илесси самаях ÿсрĕ. Акă, «Коминтерн» ЯХПК дояркисем кашни ĕне пуçне 18,1 килограмм сĕт сăваççĕ. Атнар ĕне фермин кăтартăвĕ татах та пысăк – 23,3. Вĕсем сĕт туса илессипе районта чи малта. «Телей» хуçалăхăн кăтартăвĕ те лайăх – 20-шер килограмм. «Свобода» колхозра кашни ĕнерен талăкра 19,1 килограмм продукци илеççĕ, «Победа» – 18,8, В.Никитин фермер хуçалăхĕ – 16,9. Ытти хуçалăхсенче те ĕнесене çаран çине кăларнăранпа сăвăм ÿснĕ.
Çакăнтах района каялла туртса пыракансем пур. Кунта «Санкинский» хуçалăха асăнмалла. Унти ĕнесем талăкра 1,7 килограмм сĕт антараççĕ. Çакă выльăх-чĕрлĕх çине тимлĕх уйăрманнине кăтартать.
Хальхи вăхăтра районти кашни ĕне куллен 13,7 килограмм сĕт парать.
Л.МЕДВЕДЕВА.