06 августа 2008 г.
“Вĕрентÿ” приоритетлă наци проекчĕ кăларса тăратнă задачăсене пурнăçа кĕртес тĕллевпе кăçалхи июлĕн 27-29-мĕшĕсенче Мускаври Тĕн Академийĕнче “Глинские Чтения” пĕтĕм тĕнчери вĕрентÿ форумĕ иртнĕ. Унăн теми: “Халăх йăлисем – патшалăхăн хăвачĕпе пуянлăхĕн çăл куçĕ. Паянхи вĕрентÿ тытăмĕ тата хамăрăн йăла-йĕркесем”. Çак форумра Хĕрлĕ Чутай районĕнчи педагогсем те пулнă.
Унта секцисемпе “çавра сĕтелсем” ĕçленĕ. Вĕсен ĕçне райадминистрацин вĕрентÿ пайĕн информаципе методцентрĕн методисчĕсем Татьяна Улянды тата Марина Глухова, Хĕрлĕ Чутайри пĕтĕмĕшле пĕлÿ паракан вăтам шкул учителĕсем Ольга Кузьминапа Татьяна Захарова, ачасен искусство шкулĕн преподавателĕ Ираида Спиридонова матушка хутшăнма тивĕç пулнă.
Форум ĕçне хутшăннисем малашне çамрăк ăрăва вĕрентес тата тĕрĕс воспитани парас ĕçре çĕнĕ вăй-халпа тăрăшасса шанас килет.