13 августа 2008 г.
“Коминтерн” ЯХПК обществăлла выльăх-чĕрлĕх ĕрчетессипе ăнăçлă ĕçлет. Çакна кăçалхи çичĕ уйăх кăтартăвĕсем лайăх çирĕплетсе параççĕ. Кунта январь-июль уйăхĕсенче кашни ĕнерен 2737 килограмм сĕт сунă. Çак тапхăрта ку продукцие пурĕ 1149 тонна туса илнĕ. Хуçалăх 186 тонна аш-какай хатĕрленĕ. Çав шутран сысна какайĕ 128 тоннăпа танлашать. Ку, пĕлтĕрхи çак тапхăртипе танлаштарсан, 48 тонна ытларах. Самăртма хупнă кашни сысна куллен вăтамран 421 грамм, ĕне выльăх 719 грамм ÿт хушнă.
Халĕ хуçалăхра фермăсене юсаса йĕркене кĕртес ĕç пырать. Кунпа пĕрлех тăватă тонна известь кÿрсе килнĕ. Унпа витесене пĕр хут шуратса тухнă, унччен дезинфекци тунă. Выльăх-чĕрлĕхе хĕллехи тапхăра куçариччен тепре шуратаççĕ.
– Фермăсенчен илекен тупăша ÿстерсе пыма условисем пур, – теççĕ выльăх пăхакансем. – Сĕт пăрăхĕ йĕркеллĕ ĕçлет, сысна какайĕ туса илнĕ çĕрте çĕнĕ технологипе усă куратпăр. Çакă çитĕнÿ çулĕпе утма пулăшать пире.